Assalomu alaykum, Mehmon!
Tasodifiy maqola: Android telefon yoki planshetlarga qo'yilgan kod esdan chiqsa!
Android telefon yoki planshetlarga qo'yilgan kod esdan chiqsa!... Davomi...
Kirish
Reklama
Ro'shnolik ko'rmagan opam (hikoya) 1-qism
Ko`pincha biror inson hayotida ro`y bergan voqealarni muhokama qilgandan so`ng, bu unga yaratgan tomonidan berilgan sinov, yoki peshonasiga bitilgan yozug`i bo`lsa kerak degan mulohazaga boramiz. Gohida buning aksi bo`lsa-chi? Inson zoti ko`p bo`lgani bilan har birining hayoti, taqdiri turlicha-da. Birov o`tgan hayotiga shukr qilsa, birov noliydi. Ayrimlar esa hayotda o`z o`rnimni topdim, og`zim oshga etdi degan mahalda bu yorug` dunyo bilan vidolashadi.
…Gulchehra opamning ismi jismiga mos, sarvdek qaddi, guldek chiroyi bor edi. Amakim unga hamma farzandlaridan ko`ra ko`proq mehr qo`ygan edilar. Ko`pchilik qizlar kabi uning ham bo`yi etib, qo`shni mahallada yashovchi yigitga unashtirildi. Oilada to`ng`ich farzand bo`lgani uchun onasi unga hamma uy yumushlarni o`rgatgan edi. Non yopish, ovqat pishirish, tikuvchilik, kashta, belbog`, to`n tikishni ham qoyillatardi.
Uning qo`ng`iroqdek sochlariga, qayrilma qoshlariga mahliyo bo`lgan mahalla yigitlari uning otini eshitganda, og`izlarining tanobi qochardi. Lekin qiz bolaga qirqtasi og`iz solsayam, bittasiga nasib etadi-da! Xuddi shunday bo`ldi. Orzu havasli to`y ham bo`lib o`tdi.
Men u paytlarda yosh qizcha edim. Ko`pincha opamni sog`inib, tez-tez uning kelinlik uyiga borardim. Gulchehra opam erta tongdan turib qaynota-qaynona xizmatini qilar, hovlilarni chinnidek supurib, ovsini va qaynsingillari turguncha nonushta tayyorlardi.
Ammo… Qaynonasi Halovat ayaga uning zamonaviy kiyinishlari, did bilan pardoz qilishlari sira yoqmadi. Har yumushidan ayb qidirib eriga, boshqa oila a`zolariga yomonlay boshlardi. Kuyov ham onasining chizgan chizig`idan chiqolmasdi. Onasining har kungi o`rinsiz javrashlaridan yuragi bezdimi, ba`zida ichib kelib Gulchehrani uradigan, so`kadigan odat chiqardi.
Qaynonasining, erining ra`yiga qarab, so`ngi urfdagi kiyim-kechaklarni kiymay qo`ydi. Alamini mehnatdan oldi. Kechalari uxlamasdan kashta, ko`ylak tikdi. Belbog`larga gul chizdi. Topgan pullarini eriga, qaynonasiga tutqazdi. Onasi aytganidek uydagi gapni ko`chaga, begonaga chiqarmadi. Halovat aya bir hafta, o`n kun jim bo`lib ketardi.
Gulchehra hammasiga chidadi. Dardini hech kimga, hatto onasiga aytishdan istihola qildi. Unig qalbida umid paydo bo`ldi. Shifokor ko`rigidan o`tgani borganida ona bo`lish haqidagi xabar uni sevintirib yubordi.
U o`ziga so`z berdi. O`lsa ham endi ota uyiga qaytib bormaydi. Gulchehraning shirin orzulari sarobga aylandi. Homiladorligi haqidagi gap erini ham, qaynonasini ham unchalik quvontirmadi.
Yaratganning inoyatidan xursand bo`lib ko`zi yorishini kutdi. Ko`p o`tmasdan onalik baxtiga muyassar bo`ldi. Qizi tug`ildi. Unga Umida deb ism qo`ydi. Ammo, baribir erining, qaynonasining unga munosabati o`zgarmadi.
Gohida u qizchasini ko`tarib biznikiga kelar, opa-singil bitta uyga kirvolib, uzoq sirlashardik. U hech kimga aytmagan dardlarini menga to`kib sochardi.
“Gohida boshimni olib uzoqlarga ketsammikin?” derdi yuba`zida o`z xayollariga berilib. Keyin esa, siniq kulimsirab, “g`alatiman-a” deb qo`yardi.
Eridan ajralmaslikka ko`p harakat qildi. Ammo... Ko`rgulik ekan, qizini bag`riga bosib ota uyiga qaytdi. Qaytishga majbur bo`ldi. Ukalari ko`rgani kelishsa, qaynonasi: “Onangga borib ayt, opangni olib ketsin”, - dedi. Qizi Umidani kelin bo`lgan uyida emas, ijara uyda katta qildi.
Qizi bilan turmush qurmasdan shunday toq yashab o`tishga rozi edi. Turmushga chiqay desa, og`zi kuygan qatiqni ham puflab ichadi deganlaridek, sovchi kelsa yuragini vahima bosadi. Erining urganlari, haqoratlari, kamsitganlari birma-bir ko`z oldidan o`taveradi. U hammasiga rozi edi. Buvim aytganlaridek, suv kelsa simirib, tosh kelsa kemirib eri bilan yashashga tayyor edi. Lekin...
Oradan yillar o`tdi. Umida ham shiringina bo`lib g`ujurlab gapira boshladi. Bir kuni amakmi, buvim, kelinoyim unga uzoq nasihat qilishdi. “Do`stu dushman ichida gapga qolmagin, ko`zimiz tirikligida birovning mahrami, bir ro`zg`orning egasi bo`l. Boshinga soyabon bo`lgani yaxshi” deyishdi.
Gulchehra opam yig`ladi, siqtadi. So`ramasdan uzatib xato qilayotganlarini kattalarga tushuntirmoqchi bo`ldi. Sho`rlik mushtiparning gapini kim ham tinglardi? Bir haftadan so`ng uni yoshi o`zidan ancha katta kishiga uzatishdi.
Gulchehra yana taqdirga tan berdi. Hammasiga qo`l siltab, xonadonidan fayz uchgan Hikmat tog`aning uyini uy, joyini joy qilishga kirishdi. Uy ishlari, tikish-bichishdan ortib ishga kirdi. Hikmat amakini ham ishga kirishga undadi. Qizini singillariga qoldirib, ishga borib kelaverdi.
Ular asta-sekin uylarni ta`mirlab, ro`zg`orga kerakli bo`lgan buyumlarni xarid qilishdi. Gulchehra opam yana bir emas, uch farzandni dunyoga keltirdi.
Davomi 2-qismda..
Maqola haqida
Ijtimoiy tarmoqlarda ulashing:
Mavzuga doir
screen Tuhmat kasri (ayanchli hikoya)
O'shanda ayni yoz edi. Ertalab uy yumushlarini bajarib bo'lgach, bolalarimni bog'chaga qo'ydimda, xarid qilish maqsadida bozorga yo'l oldim. Bozorga borib sumkamni kovlasam, karmon yo'q. Yuragim shuv etib ketdi. Biron kishi o'g'irlab oldimikan, axir ertalab uydan chiqayotganimda sumkamda turgandiku. Kim olgan bo'lishi mumkin, deya sumkani yana titkilay boshladim. Yo'lda tushib qolgandir deya yurgan yo'limdan ortimga qaytdim. Yo'limda uchragan bir-ikki kishidan so'radim. Yo'q. "Esizgina, 30000...
screen Onamdan qolgan g'alati esdalik
Bahor keldi. Har gal bahorda meni vijdon azobi qiynayveradi, o'zimni qo'ygani joy topolmayman. Chunki o'shanda ham bahor edi. – Oyi, dam olishga bormasangiz bo'lmaydimi, uyda maza qilib o'tirsangiz-chi? Onamning dam olish maskaniga ketayotgani menga yoqmayotgandi. – Bolam, yo'llanmaning pulini allaqachon nafaqa pulimdan to'lab qo'yganman, sen faqat olib borib, olib kelib qo'ysang bo'ldi, – oyimning ovozida iltijo bor edi. – E, gap puldamas, dadamni yolg'iz qo'ymang, deyapman-da, — de...
screen MEXRIBONIM
Qanchalar farzand shirin, lekin kimdir ona bo'lish sharafiga ega kimdir esa armonda. Ollox taollo aytganiday Sabr tagi sariq oltin, inson qanchalik sabr ila yashasa shunchalik Olloxning suygan bandasi xisoblanar ekan va albatta tangrim unga mukofot sifatida shiringina jajji farishtaday farzand xadya qiladi. Bunga o'zim xam amin bo'lganman. * * * Xikoya.Ru * * * 13 yil avval kelinoyim ko'krak saratoni bilan vafot etdilar va ikki o'gil bir qizlari bevaqt onadan ayrildilar, tog'am ham bunga c...
Reklama



asdasd asdasd asdasd asdasd