Assalomu alaykum, Mehmon!
Tasodifiy maqola: Kulishni bilmaydiganlar uchun
Kulishni bilmaydiganlar uchun... Davomi...
Kirish
Reklama
Dunyo onalariga yo`llangan maktub: Farzandingizni duoibad qilmang!
Bu gaplarga ham ancha yillar bo`ldi. Yoshligimda, bir kuni uyni tozalayotgan edim. Uyda onamdan qolgan yodgorlik – eski billur bir shisha idish bor edi. Uni menga onam hadya qilgandi, uni juda yaxshi ko`rar edim, ko`z qorachig`imdek asrar edim.
Kunlardan bir kuni o`g`lim o`ynoqlab yurib, shisha idishni sindirib qo`ydi. Idish ko`z o`ngimda erga tushib chil-chil sindi. Bu onamdan qolgan ardoqli, aziz buyum edi. Shunda men bexosdan farzandimni “Shoyadki seni ham devor bosib suyaklaring shu idish kabi maydalansa” deb qarg`ab yubordim. Oradan vaqtlar o`tdi, men u gapimni unutib yubordim. Farzandlarimiz voyaga etishdi. O`g`lim ham keyingi farzandlarim kabi o`sib-ulg`aydi. Biz unga bir shabbodani ham ravo ko`rmas edik. Hatto, har qanday kichik zararlardan ham xavfda bo`lardik. Bizning bu mehribonchiligimiz sabab, farzandlarimiz ichida bizga eng mehribon va eng suyuklisi shu o`g`limiz edi.
O`g`lim kunlar o`tib o`qishni bitirib ishga joylashdi va men unga soliha bir kelin qidira boshladim. O`g`lim otasining ishxonasiga bordi. Ularning ishxonalari yonida bir eski bino bo`lib, o`sha kunlari uni buzib, o`rniga yangi inshoot qurish rejasi bilan quruvchilar ishlashayotgan ekan. Eski binoning orqa tarafida ishchilar buzish ishlari bilan mashg`ul bo`lgan bir paytda binoning orqa tomonidan o`tayotgan o`g`limning, ha, aynan o`g`limning ustiga binoning devori ag`anab, uni bosib qolibdi. Quruvchilar uni o`tayotganini sezishmagan ham. O`g`lim qattiq bir ovoz chiqaribdi-da, boshqa hech narsa demabdi. Buni ko`rganlar tezlik bilan yiqilgan devorni kavlab o`g`limni tortib chiqarishibdi. Tez yordam chaqirilganda, yon-atrofdan ancha-muncha odam to`plangan ekan. Bu haqida turmush o`rtog`im menga xabar berish uchun keldi. Bo`lib o`tgan voqeani eshitib hushimdan ketdim. Bir ozdan keyin ko`zimni ochsam shifoxonada yotgan ekanman. Birinchi aytgan gapim o`g`lim haqida bo`ldi va uni ko`rsatishlarini so`radim.
Oh! Qani endi uni ko`rmasam edi. Ko`z oldimda yotgan o`g`limning butun badanidagi suyaklari xuddi o`sha idish kabi maydalib ketgan edi. Buni ko`rgandim-u, go`yoki yuragim urishdan to`xtadi. Men bir necha yillar avval qilgan o`sha duo Alloh taolo huzurida ijobat bo`lganini va uni, aynan shu kunda sodir bo`lishini bilmagan edim. Go`yoki “Mana sen qilgan duoibadning ijobati, shuncha yil uni saqlab turgan edim. Bugun ro`yobga chiqardim” degandek edi. Bolam so`nggi nafasini chiqardi.
Qani endi, o`sha singan idishdan minglab bo`lsa-yu, bolajonim ularni qayta-qayta sindirsa! Qani endi, o`shanda men bir umrga tildan qolib, o`sha duoni qilmasam edi. Qani endi, qani endi, qani endi!..
Afsus, bu kabi qani endilardan aslo foyda yo`q...
Dunyodagi onalarga mening maktubim! Farzandlaringizni duoibad qilmang. Juda qattiq jahlingiz chiqqanida shaytonning yomonligidan Allohdan panoh so`rang. Mayli uring, ammo aslo duoibad qilmang. Aslo...
Maqola haqida
Ijtimoiy tarmoqlarda ulashing:
Mavzuga doir
screen Halol mehnat qilib xor bo'lgan usta
Qishloqda anchagina nom chiqargan usta shahardan katta buyurtma oldi. Shaharlik bir boyni yangi olgan hovlisida yangi solmoqchi bo'lgan uyini g'ishtidan to tomigacha qilib berish kerak ekan. Usta xursand bo'lib uchta shogirdini yoniga olib aytilgan vaqtda aytilgan manzilga yetib keldi. Uy egasi ham xushchaqchaq samimiy inson ekan ustalarni yaxshi kutib olib mashinasida ish joyiga olib bordi. So'ngra yaxshilab tushintirdi. - Xullas gap bunday ustaka shu ko'rib turibsiz mena shu uy, poydevori q...
screen Omad kulganda omad qushini uchirgan inson.
Bir odamning uch orzusi bor ekan. U katta maoshli ishni, go’zal turmush o’rtog’i bo’lishini va olamga mashhur bo’lib tanilishni xohlar ekan. Kunlarning birida o’sha odam taniqli firmaga ishga kirish uchun otlanibdi. Yo’lda ketayotganida uning oldida bir qariya yiqilib tushibdi. Agar unga qo’l cho’zsam qabulga kechga qolaman, bu bir piyonista bo’lsa kerak deb hayolidan o’tkazibdi va qariyaga yordam bermabdi. Ammo u baribir ishga qabul qilinmabdi chunki suhbatdan o’ta olmabdi. Kunlarning yana b...
screen Omad, boylik yoki sevgi – qay birini tanlaysiz?
Bir ayol tong sahar ko’cha eshigini ochar ekan hovlisi yaqinida o’tirgan oq soqollik 3 kishiga ko’z tashladi. Ayol dedi: “Sizlarni kim ekanligiz menga qorong’u biroq ko’rinishingizdan uzoq yo’l yurib, judayam charchab, och qolganga o’xshaysizlar, qani uyga marhamat qilingizlar”. – “Eringiz uydami?” so’radi ular. – “Yo’q, bugun uning ish kunligi sababli uyda yo’qlar”, dedi ayol. – “Unday bo’lsa biz ichkariga qadam bosolmaymiz”, deb javob berdi ular. Kechga yaqin ayolning eri uyga keldi. A...
Reklama



asdasd asdasd asdasd asdasd