Assalomu alaykum, Mehmon!
Tasodifiy maqola: SHAHAR CHETIDAGI UY
Bizning shahar chekkasida uyimiz bor. Hozir u yerda yashamasak-da yiliga bir yoki ikki marta uydan xabar olgani borib turamiz. Uy katta va shinam bo'lishiga qaramasdan shaxsan meni o'zim bu uyni uncha xushlamayman. Sababi bu uyda g'ayritabiiy voqealar ko'p sodir bo'ladi. Chiroq o'zidan o'zi yonib o'chishi, eshiklar o'z-o'zidan g'iyqillab ochilib yopilishi, oshxonada idishlarni besabab yerga tushib ketishi va shunga o'xshash noodatiy hodisalar. Hatto bir marta meni zinadan kimdir... Davomi...
Kirish
Reklama
Oq changal parisining jodusi (Detektiv hikoya) 1-qism
Yo‘qolgan sigirini izlab yurgan Haydar bobo bir tog‘ yonbag‘riga kelib qoldi. Bu joyni mahalliy xalq Oq changal deb atardi. Sababi bu yerda xosiyatsiz o‘simlik – oq changal (tikan) o‘sardi. Cho‘ponlar va ovchilar bu yerga kelishga qo‘rqishardi. Ularning ta’rificha Oq changalda parilar makon qilib olgandi.
Quyosh botib qorong‘u tusha boshlagandi. Haydar bobo atrofga alangladi. Yon-atrof tikansimon o‘simlik – oq changalga to‘la edi. Haydar bobo bu o‘simlik haqida yoshligida otasidan eshitgan edi. Yetmish yoshga kirgan bo‘lsa ham oq changal tikanini biror marta ham ko‘rmagandi. Yo‘qolgan sigirining sharofati bilan ana shu xosiyatsiz o‘simlikni ko‘rib turibdi. Ko‘rinishidan qo‘shqo‘nmasga o‘xshab ketadigan bu tikanni nega oq deyishlarini bobo tushinmadi. Zero bu o‘simlik ham barcha o‘t-o‘lanlar kabi yashil rangda edi. Ammo uni ko‘rib qolgan odamning boshiga musibat tushadi.
Ancha payt shaharda yashagani bois Haydar bobo bu yerlarga ko‘p kelmasdi. Nafaqaga chiqib qishloqqa ko‘chib kelganiga yigirma yil bo‘lgan bo‘lsa ham biror marta Oq changalga kelmagandi. O’zi bu makonga oxirgi marta sobiq sho‘ro davrida, Fayzi cho‘pon bolaligida mol boqib yurib kelib qolgan. Bilib-bilmay oq changalni bosib o‘tgan va o‘sha kuni kechasi bilan isitmalab chiqib kasal bo‘lib qolgandi. Faqat Nurotaning dami o‘tkir mullalarigina Fayzi cho‘ponni oyoqqa turg‘izgandi. Keyin Elshod ismli yigit ham afg‘on urushidan qochib shu yerga yashiringanida uning ko‘ziga oq libosli pari ko‘ringan va bechora aqldan ozib qolgan. Mullalar Elshodni tuzatishga ojizlik qildi. Yigit bir umrga telba bo‘lib qoldi. Bu voqealar bo‘lganiga ham o‘ttiz yildan oshdi. Shundan so‘ng Oq changalga peshanasiga miltiq to‘g‘irlasa ham hech kim yaqinlashmaydi.
Haydar bobo shular haqida o‘yladimi yoki atrofning vahimasi tutdimi, ichiga qo‘rquv oraladi. Shu payt teparoqdagi g‘or ichidan ayol kishining kulgusi eshitildi. Bobo xayratlanib g‘or tomonga yurdi. G’orning oldiga borib ichkariga qaradi-yu og‘zi ochilib qoldi. G’orning o‘rtasida gulhan yoqilgan, uning yonidagi tosh ustida uzun oppoq ko‘ylak kiygan, uzun sochlarini yoyib olgan bir go‘zal qiz turardi.
Qiz g‘or og‘zida unga termilib turgan Haydar boboni ko‘rib katta qora ko‘zlari qo‘rquvdan chaqnab ketdi. Nima qilarini bilmay orqaga tisarildi. Haydar bobo esa bu qiz yarim tunda bunday kimsasiz joyda nima qilib o‘tirganini aqliga sig‘dirolmay xayron edi. Qiz g‘orning to‘rida turgan qora sharpaga qaradi. Qarilik sabab ko‘zlari xiralashgan bobo qorng‘uda sharpaning yuzini ko‘ra olmadi. Sharpa qizga nimanidir ishora qildi. Qiz o‘rnidan turib Haydar bobo tomonga oxista yurib keldi. Bobo esa bu qiz Oq changal parisi ekanini faxmlab ichida kalima qaytara boshladi. Qo‘l-oyoqlari dir-dir titrab, peshanasidan sovuq ter chiqib ketdi. Qiz unga jilmayib boboning yelkasiga qo‘lini qo‘ydi. Haydar boboning ichidagi vahima cho‘g‘i alangalanib ketib dodlab yuborishiga oz qoldi. Shu payt yelkasiga nimadir “jiz” etib sanchilgandek bo‘ldi. Bobo bir ayoldan qo‘rqayotgani uchun ichida o‘zini so‘kdi. Keyin shahd bilan qizni siltab tashladi-da ortiga o‘girilib g‘orni tark etdi.
Haydar bobo qanday eshagiga mindi, qanday uyiga yetib keldi bilmaydi. Uyiga yetib kelganida soat tungi o‘n birdan oshgan edi. Cholining kech qolganidan xavotirga tushib uning yo‘liga qarab yurgan Xafiza momo eshakdan tushib kelayotgan boboning oldiga peshvoz chiqdi.
– Suv ber! – dedi kampiriga hanuz tanasi titrayotgan Haydar bobo.
– Tinchlikmi? – dedi xavotir bilan Xafiza momo rangi oqarib ketgan choliga qarab.
– K- ko‘p g- gapirma! Suv op chiq! – titroq tovushda dedi bobo.
Og‘riyotgan oyog‘ini ham unutgan Xafiza momo oshxonaga qarab yugurdi. Qo‘lida bir kosa suv bilan qaytib chiqqan momo yerga yuztuban bo‘lib cho‘zilib yotgan cholini ko‘rib dodlab yubordi.
***
So‘nggi bir hafta ichida qishloq odamlari orasida Haydar boboning Oq changalda parilarga yo‘liqqani, ularning jodusi ta’sirida dunyodan ko‘z yumgani haqida mish-mish tarqaldi.
Uchastka noziri Dilshod Murodov derazadan Haydar boboning kichkina o‘g‘li Sherbekning kelayotganini ko‘rib kayfiyati tushib ketdi. “Hozir yana eski plastinkasini qo‘yadi” – dedi ichida.
Fursat o‘tmay xonaga Sherbek kirib keldi.
– Assalomu alaykum, Dilshod aka – dedi Sherbek.
– Vaalaykum assalom, Sher. Qani o‘tir – dedi Dilshod.
– Dilshod aka...
– Yana o‘sha ish bilan keldingmi? Tibbiy xulosani ko‘rding. Otang yurak xurujidan vafot etgan. Haydar ota o‘sha kuni qorong‘u tushgunicha yo‘qolgan sigirini izlagan. Bir ovloq joyga borib qolib gal’yutsinatsiya ga uchragan. Qattiq qo‘rqqanidan yuragi dosh berolmay uyga kelib jon bergan. Bu yog‘i endi qarichilik.
– Dilshod aka, siz aytayotgan o‘sha ovloq joy Oq changal, gal’yutsinatsiyangiz esa o‘sha yerdagi pari.
– Xo‘sh, mendan nima istaysan. O’sha Oq changalinga borib parilarni so‘roq qilaymi?
– Bilmadim. Lekin otamning yurak xurujidan o‘lmagani aniq.
– Ish ochib, tergov qilishga asos yo‘q.
Davomi 2-qismda..
Maqola haqida
www.Xikoya.Ru Eng Sara Xikoyalar olami
Ijtimoiy tarmoqlarda ulashing:
shu kategoriyaga tegishli xikoyalar
screen Qaltis o'yin (Detektiv hikoya) 3-qism
Qaltis o'yin (Detektiv hikoya)...
screen Qaltis o'yin (Detektiv hikoya) 2-qism
Qaltis o'yin (Detektiv hikoya)...
screen Qaltis o'yin (Detektiv hikoya) 1-qism
Qaltis o'yin (Detektiv hikoya)...
Reklama
adban.su


asdasd asdasd asdasd asdasd