Assalomu alaykum, Mehmon!
Tasodifiy maqola: Aqilli Inson Nimalarni Biladi?
Aqilli Inson Nimalarni Biladi?... Davomi...
Kirish
Reklama
Uyga qanday qilib pul «chaqirish» mumkin?
Kimdir «Pul jigardan bo`ladi» desa, yana birov uni «qo`lning kiri» deb biladi. Har ikki gapda ham jon bor. Bir oy intizor bo`lib kutgan maoshimizni kiprik qoqquncha qanday ishlatib qo`yganimizni o`zimiz ham bilmay qolamiz. Buning bari reja bilan ish ko`rmasligimizdan! Darvoqe, pul, aniqrog`i, uyga pul «chaqirish» borasida ham turli irimlar borligi haqida eshitganmisiz? Qizig`-a? Ularni eshitib, beixtiyor mashhur filmimizdagi «tinib-tinchimagan odamlar-ey, nimalarni o`ylab topishmaydi-ya» degan ibora esga tushadi. Quyidagi yarim afsona, yarim chin irimlarni o`qib, ehtimol sizda ham shunday bo`lar…

1. Maoshingiz chapga-o`ngga qayrilmay, to`g`ri uyingizga borib, toshdek qotishini istaysizmi? Unda «peshana teringiz»ning bir so`mini ham ishlatmay, xonadoningizga olib boring, hech bo`lmaganda bir kecha uyda «tunashi» shart!

2. Yoshi ulug`lar «Yil davomida kattaroq miqdordagi mablag`ni sarflamay uyingda saqla! Sening quvonchingdan «ilhomlangan» pullar yoniga sherik chaqiradi», deyishadi.

3. Uy ichida hushtak chalsangiz va non ushoqlarini qo`lingiz bilan sidirsangiz ham xonadoningizga pul kelmas ekan.

4. Uyda pul yig`ilishini istasangiz, supurgi dastasini tik qilmay, erga yotqizib qo`ying.

5. Boshlig`ingizdan maoshingizni oshirishini so`ramoqchimisiz? Bu ishni chorshanba kuni kunduzi amalga oshirish kerak ekan.

6. Dushanbada qarz ola ko`rmang, seshanbada aksincha! Olgan qarzingizni qaytarish uchun esa jumadan boshqa kunlarni tanlang.

7. Agar biror kim sizdan qarz so`rasa, ertalab bering.

8. Umuman olganda, qarz olishga odatlanmang! Yaxshisi, kimningdir pul borasidagi mushkulini engillashtiring. Bu bilan mablag`ning sizga doimiy «talpinishi»ni dasturlashtirgan bo`lasiz!

9. Mavsumi o`tgan liboslaringizni javonga joylashdan avval cho`ntagiga pul solib qo`ying! Darvoqe, e`tibor bering, pullar yirtiq va tugmasi tushgan cho`ntaklarni yoqtirmas emish.

10. Hamyoningiz sira bo`sh qolmasin? hech bo`lmaganda tanga solib qo`ying. Yana bir qoida: pullarni hamyoningizga old tarafini o`zingizga qaratib joylashtirishingiz kerak ekan.

11. Ba`zilar hamyonida «omadli pul» olib yuradi. Ya`ni birinchi maoshi yo biron muvaffaqiyatli bitimdan kelgan mablag`dan bittagina bo`lsa ham pul solib qo`yishadi.

12. Yana shunday irim borki, topib olingan yo yutuqqa kelgan pullar muvaffaqiyat keltirmaydi, deb hisoblashadi. Bunday mablag`ni beva-bechoralarga bering yo ishlatib yuboring. Aslo hamyoningizga sola ko`rmang!

13. Asosiy qoida: pul borasida o`ta tejamkor, ziqna bo`lmang, barakasi uchadi. Qo`lingiz ochiq bo`lsa, pul ham, baraka ham sizga talpinaveradi!

Guvohi bo`lganingizdek, pulning ketishi kabi kelishi ham oson. Faqatgina rejali bo`lsangiz kifoya. Axir bejizga «Rejalining ishi tejog`lik» deyishmagan! Eng asosiysi, pulingizning miqdori qancha bo`lishidan qat`i nazar, barakasini bersin!
Maqola haqida
www.Xikoya.Ru Eng Sara Xikoyalar olami
Ijtimoiy tarmoqlarda ulashing:
shu kategoriyaga tegishli xikoyalar
screen Dunyoning eng boy odamlari? Ularning hisobida qancha pul bor?
Qanday qilib muvaffaqiyat va moddiy farovonlikka erishish mumkin, degan savol har bir odamni qiziqtirsa kerak!? Sayyoramizning eng boy odamlari mavjud bo‘lib, quyidagi ro‘yxatda taniqli va mutlaqo notanish nomlar bilan tanishib chiqamiz. Bizning reytingimizni sakson yoshli tadbirkor Fil Nayt ochib beradi, uning hisobida 5 milliard dollar bor. U butun dunyo bo‘ylab Nike brendi ostida taniqli sport poyabzal fabrikasi asoschisi sifatida tanilgan. Ishlab chiqarish ishlari ilk bor o‘tgan asrn...
screen Pul topishning eng oson yo‘li - shu
Ko‘pchilikning og‘zidan "pulga baxtni sotib ololmaysan" qabilidagi gapni eshitib qolaman. Emishki, sog‘liq, ta’lim va turmushning "mushtlari" oldida pul ahamiyatsiz qog‘oz bo‘lib qolveradi. Aslida-chi? Agar barcha aytilgan gaplarni unutib, qo‘limizda bor mablag‘ga kema qura olsak, baxt sari suzib ketishimiz tayin. Agar hayotda nimaga intilib yashamoqchisan, deb so‘ralsa, eng umumiy javob, balki, baxtli bo‘lish uchun yashamoqdaman, bo‘lsa kerak. Baxtli bo‘lishning bir talabi yo ko‘rinishi bormi?...
screen Millioner bo‘la olishingizning 5 alomati
Agar siz qachonlardir millioner bo‘lishni xohlasangiz (kim ham xohlamaydi deysiz?), hozir ayni vaqti. Spectrem Group o‘tkazgan ijtimoiy so‘rov natijasiga ko‘ra, hozirda AQShda millionerlar soni eng ko‘p darajada. Yaqinda Bloomberg agentligi e’lon qilgan dunyoning dollar milliarderlari Top-500 reytingiga Rossiyaning ham 27 nafar fuqarosi kiritildi. Garchi hech kim milliondan voz kechishni istamasa-da, ko‘pchilik uni ishlab topa oladi. Biroq faqatgina dunyoning eng bosh kishilarida uchraydigan...
Reklama



asdasd asdasd asdasd asdasd