Atrofimizda turli-tuman maqsadda qo‘llash mumkin bo‘lgan narsalar juda ko‘p. Ulardan boxabarlik esa inson hayotini yengillashtirishga yordam beradi. Mana masalan, oziq-ovqat plyonkasini olaylik.

Undan ko‘pincha mahsulotlarni, meva-sabzavotlarni o‘rab qo‘yish uchun foydalaniladi. Ayniqsa, salatlar tez aynib qolmasligi uchun uni shunday plyonkaga o‘rab saqlash foydali. Ushbu maqolada oziq-ovqat plyonkasidan foydalanishning noodatiy, ammo foydali bo‘lgan 8 usuli bilan tanishtiramiz.

Bananni uzoqroq vaqt saqlash uchun

Banan tez buziluvchi mahsulot. Uni uzoqroq vaqt saqlashni istasangiz, banan “dumchasini” plyonka bilan o‘rab qo‘ying.

Smartfonni himoyalaymiz

Ovqat tayyorlash vaqtida smartfoningizni kir qilishni istamasangiz uni oziq-ovqat plyonkasi bilan o‘rab qo‘yishingiz mumkin. Yumushlaringizni bajarib bo‘lgach, uni bemalol yechib tashlab yuborishingiz mumkin. Bu usulni vannaxonada, telefonga suv tegishidan saqlash maqsadida qo‘llash ham mumkin.

Idish yuvgingiz kelmayaptimi?

Bu holatda ham plyonka yordamga keladi. Likopcha usti plyonka bilan o‘raladi va unga bemalol ovqat solib yeyishingiz mumkin. Yeb bo‘lgach, plyonkani yechib, tashlab yuboring. Likopcha tozaligicha qoladi.

Stakandagi sharbat to‘kilmasin desangiz

Sharbatni mazza qilib iste’mol qilgingiz kelyaptimi? Sharbat solingan stakan yuzini plyonka bilan berkitsangiz kifoya. Plonkani o‘rtasidan teshib, naychani solib, bemalol uni ko‘chada ketayotib ham ichib ketsangiz bo‘ladi. Sharbat to‘kilmaydi.

Mayda narsalarni bir yerda saqlash uchun

Qayergadir otlandingizmi? Tush, qalam, lab bo‘yog‘i, taroq, lak kabilar yuk xaltangizda sochilib yotmasligi uchun ularning barini kattaroq plyonka bo‘lagiga o‘rash kifoya.

Qopqoq boshqa ochilmaydi

Shampun yoki gel idishi qopqog‘i sumkada “yurgan” vaqtda ochilib, to‘kilmasligi uchun uning og‘zini plyonka bilan berkiting. So‘ng ustidan idish qopqog‘ini yopib, mahkamlang. Qarabsizki, shampun sumkaga to‘kilmaydi va sizni ortiqcha xunob ham qilmaydi.

Zargarlik buyumini zararlanishdan saqlaydi

Sumkaga solingan qimmatbaho zargarlik buyumi sinib-netib qolishidan xavotirdamisiz? Uni plyonkaga o‘rab bemalol sumkaga solib qo‘ying. Unga shikast yetmaydi.

Buyumlar uchun qulay xaltacha

Avval kiyilgan poyabzalni sumkaga shundoqqina solish ko‘p ham estetikaga mos kelmaydi. Uni, albatta, xaltaga solish kerak. Kerak vaqtda labbay topilmas, deganlaridek, ba’zida oddiygina sellofan yoki paket topa olmay qoladi kishi. Bu noqulay holatdan yana o‘sha plyonka qutqaradi. Poyabzalning har bir poyini plyonkaga o‘rab, sumkaga xotirjam solib ketaverasiz.

Xikoya.Ru