Assalomu alaykum, Mehmon!
Tasodifiy maqola: Sabzili keks tayyorlaymiz
Bugun siz azizlarga xandon pista va yong’oq solib pishirilgan ajoyib sabzili keksretseptini taqdim etamiz. Bunday keksni tayyorlash juda oson bo’lib, pishish jarayonida undan taraladigan hid esa butun xonadoningizni qurshab oladi. Ustidagi qaymoq va shakar upasidan tayyorlanadigan glazur esa unga o’zgacha maza baxsh etadi. Bundan tashqari siz saytimiz orqali yana boshqa Pazandalik sirlarini o'rganib olishingiz mumkin. Tayyorlaniladigan yegulikka taxminan 42 000 so’m sarf qilinadi.* [b... Davomi...
Kirish
Reklama
Millioner bo‘la olishingizning 5 alomati
screenAgar siz qachonlardir millioner bo‘lishni xohlasangiz (kim ham xohlamaydi deysiz?), hozir ayni vaqti. Spectrem Group o‘tkazgan ijtimoiy so‘rov natijasiga ko‘ra, hozirda AQShda millionerlar soni eng ko‘p darajada.

Yaqinda Bloomberg agentligi e’lon qilgan dunyoning dollar milliarderlari Top-500 reytingiga Rossiyaning ham 27 nafar fuqarosi kiritildi. Garchi hech kim milliondan voz kechishni istamasa-da, ko‘pchilik uni ishlab topa oladi. Biroq faqatgina dunyoning eng bosh kishilarida uchraydigan ayrim xususiyatlar ham borligini unutmaslik kerak. Agar siz ushbu xususiyatlardan biriga ega bo‘lsangiz, ehtimol siz kelgusida millionerlardan biri bo‘la olasiz.

1. Sizda har doim tadbirkorlik g‘oyasi bo‘lgan

Economist nashrining yozishicha, dunyodagi millionerlaridan yarmiga yaqini o‘z boyligini shaxsiy biznesi orqali to‘plagan. Boylarning aksariyati o‘z ishini yoshligidanoq yo‘lga qo‘ygan. Mark Kyuban ishga joylasholmagan va 12 yoshida chiqindi qopchalarini qo‘shnilariga sotish bilan shug‘ullangan. Uorren Baffett ham shunga o‘xshash faoliyat bilan shug‘ullangan. U 6 yoshidayoq do‘stlariga saqich sotgan. Richard Brenson 11 yoshida to‘tiqushlarni ko‘paytirib, sotishni kasb qilgan. Bu tajriba va mehnat odobi ko‘plab bolalar va o‘smirlar katta bo‘lgach, ko‘p milliardli kompaniyalarni ishga tushirishiga olib keladi.

2. Sizning bir nechta daromad olish manbaingiz bor

Har kim ham millionlab daromad keltiruvchi kompaniyaga asos solishni xohlaydi, biroq barcha bunga erisha olmaydi. Yaxshisi, bir nechta kichik manbani topish kerakki, ulardan keladigan daromad millionni tashkil etsin. Tomas K. Korli o‘zlarining birinchi million dollarini ishlagan insonlarning hayotini 5 yil mobaynida o‘rgandi. Uning aniqlashicha, ularning aksriyati bir nechta daromad manbaiga ega bo‘lgan. Jumladan, 65 foizga yaqini 3 ta turli daromad manbaiga ega bo‘lgan bo‘lsa, 45 foizida 4 ta, 29 foizida 5 va undan ortiq manba bo‘lgan. «Daromadning 3ta manbasi millionerning sehrli self-made formulasi. Ammo, daromadlar manbaini qanchalik ko‘paytirishning uddasidan chiqsangiz, sizning moliyaviy ahvolingiz shunchalik mustahkam bo‘ladi».

3. Siz doim o‘rganishdasiz

Yozuvchi va millioner Stiv Sibold 30 yildan ko‘proq vaqt davomida dunyoning ayrim badavlat kishilar bilan suhbatlashdi. Uning aniqlashicha, ularning aksariyati kitob mutolaasini yaxshi ko‘rishadi. Siboldning aniqlik kiritishicha: «O‘rta toifa romanlar, tabloidlar va ko‘ngilochar jurnallar o‘qiydi. Boy odamning uyiga kirsangiz, uni muvaffaqiyatga yetaklagan ulkan kutubxonaga ko‘zingiz tushadi». Taniqli milliarderlarning aksariyati, har holda bu nuqtai-nazarni tasdiqlashadi. Bill Geyts, masalan, yiliga 50 tacha kitob o‘qiydi. Uorren Baffett ish kunining 80 foizga yaqinini kitob mutolaasiga sarflaydi. Ilon Maskdan raketa yasashni qanday o‘rganib olganini so‘rashganida: «Men kitob o‘qiyman», deb javob bergan.

4. Birinchi galda o‘zingizga haq to‘laysiz

Biz ko‘p hollarda o‘zimizga pul yig‘ishni ahd qilamiz, ammo keyinroq, bu ishni keyinroqqa suramiz. Ammo o‘sha «keyin» hech qachon kelmaydi. Shu boisdan ham ko‘plab millionerlar jamg‘arma va investitsiyalarni to‘lash shart bo‘lgan to‘lovlarga tenglashtirishadi. Moliyani rejalashtirish bo‘yicha mutaxassis Nensi Batler shunday deydi: «Aksariyat insonlar pullarini sarflashadi, o‘z to‘lovlarini to‘lashadi va qolganidan pul jamg‘arishadi. Aslida, buning aksini qilish zarur: dastlab pulni jamg‘armaga ajratish, so‘ngra hisoblarni to‘lash, keyin qolganini qanday sarflashni o‘ylash kerak». Ko‘plab moliyaviy ekspertlar 50/30/20 formulasidan foydalanishni tavsiya etishadi: Daromadingizning 50 foizi ehtiyojlarga sarflanadi (kreditlar, to‘lovlar, taom va b), 30 foizi iste’molga, masalan kiyim-kechakka, qolgan 20 foizi jamg‘arishga.
5. Siz kamtarona hayot kechirasiz

Ma’lumki, Uorren Baffett 1958 yildan beri Nebraska shtatidagi Omaxa shahridagi uyida istiqomat qiladi. 70 mlrd dollar boylikka ega Mark Sukerberg oddiy Volkswagen haydaydi.

Ko‘ngilxushlikni ortga surish — bu ko‘plab millionerlarga xos bo‘lgan jihatdir. Ular ishlab topgan pullarini sarflash istagini nazorat qila olishadi. Aksariyat odamlarda bu haqiqiy muammodir. Ammo, ko‘ngilni cho‘ktirmang. Siz ham xaridlarga bo‘lgan istakni nazorat qilishni o‘rganishingiz mumkin. Shaxsiy moliyaviy boshqaruv haqida yozadigan bloger Lans Kotern so‘zlariga ko‘ra, o‘zini-o‘zi nazorat qilishning bir nechta strategiyasi bor. Siz maqsadlaringizni yozib qo‘yib, xaridni boshlashdan avval bir hafta kutasiz, o‘zingizdan katta bilan ular yo‘l qo‘ygan xatoni takrorlamaslik uchun maslahatlashasiz. Millioner bo‘lish ko‘pchilikka erishib bo‘lmasdek tuyuladi. Ammo, fikrlashni to‘g‘ri tashkil etsangiz, bunga erishish qiyin emas. Yuqoridagilarning ayrimlari sizda bor bo‘lsa, demak siz ham kelajakda millioner bo‘lishingiz mumkin.

Ushbu ma'lumot sizga yoqdimi? Saytimiz XIKOYA.RU ga yana tashrif buyuring!
Maqola haqida
www.Xikoya.Ru Eng Sara Xikoyalar olami
Ijtimoiy tarmoqlarda ulashing:
shu kategoriyaga tegishli xikoyalar
screen Dunyoning eng boy odamlari? Ularning hisobida qancha pul bor?
Qanday qilib muvaffaqiyat va moddiy farovonlikka erishish mumkin, degan savol har bir odamni qiziqtirsa kerak!? Sayyoramizning eng boy odamlari mavjud bo‘lib, quyidagi ro‘yxatda taniqli va mutlaqo notanish nomlar bilan tanishib chiqamiz. Bizning reytingimizni sakson yoshli tadbirkor Fil Nayt ochib beradi, uning hisobida 5 milliard dollar bor. U butun dunyo bo‘ylab Nike brendi ostida taniqli sport poyabzal fabrikasi asoschisi sifatida tanilgan. Ishlab chiqarish ishlari ilk bor o‘tgan asrn...
screen Pul topishning eng oson yo‘li - shu
Ko‘pchilikning og‘zidan "pulga baxtni sotib ololmaysan" qabilidagi gapni eshitib qolaman. Emishki, sog‘liq, ta’lim va turmushning "mushtlari" oldida pul ahamiyatsiz qog‘oz bo‘lib qolveradi. Aslida-chi? Agar barcha aytilgan gaplarni unutib, qo‘limizda bor mablag‘ga kema qura olsak, baxt sari suzib ketishimiz tayin. Agar hayotda nimaga intilib yashamoqchisan, deb so‘ralsa, eng umumiy javob, balki, baxtli bo‘lish uchun yashamoqdaman, bo‘lsa kerak. Baxtli bo‘lishning bir talabi yo ko‘rinishi bormi?...
screen Oilaviy byudjetni tartibga solamiz va pulni ko'paytiramiz
Mutaxassislar fikriga ko‘ra, 70% yosh oilalarning ajrashuviga sabab bo‘ladigan omillardan biri pul bilan bog‘liq kelishmovchiliklar ekan. Kamdan-kam hollarda turmush qurish arafasida turgan yoshlar bo‘lajak yangi oilaning moliyaviy tomonlarini o‘ylab ko‘radi. Bu masalada qarama-qarshiliklar yuzaga kela boshlaganda esa “bosh qotirishga” majbur bo‘ladi. Mana shu pallada oila byudjetini rejalashtirish ayni muddaodir. Buning uchun ikki yosh avvalo, byudjet qayerdan to‘planishi va pullar qayerga sarf...
Reklama



asdasd asdasd asdasd asdasd