Assalomu alaykum, Mehmon!
Tasodifiy maqola: Xonanda Loladan mazali retseptlar
O‘zbek estradasining yorqin vakillaridan biri Lola o‘zi sevib tayyorlaydigan yengil va mazali gazaklar retseptlari bilan bo‘lishdi. «KAPREZE» ITALYaNChA GAZAK Kerakli masalliqlar: pomidor, motsarella pishlog‘i, yashil rayhon va eng yaxshi zaytun moyi. Tayyorlanishi: pomidorlarni o‘tkir pichoq yordamida 6-7mm qalinlikdagi parraklarga kesib olamiz. Motsarella pomidor qalinligidagi bo‘lakchalarga bo‘linadi. Pomidor bo‘laklarini bir tekis qilib motsarella bilan navbatma... Davomi...
Kirish
Reklama
Pul topishning eng oson yo‘li - shu
screenKo‘pchilikning og‘zidan "pulga baxtni sotib ololmaysan" qabilidagi gapni eshitib qolaman. Emishki, sog‘liq, ta’lim va turmushning "mushtlari" oldida pul ahamiyatsiz qog‘oz bo‘lib qolveradi. Aslida-chi? Agar barcha aytilgan gaplarni unutib, qo‘limizda bor mablag‘ga kema qura olsak, baxt sari suzib ketishimiz tayin. Agar hayotda nimaga intilib yashamoqchisan, deb so‘ralsa, eng umumiy javob, balki, baxtli bo‘lish uchun yashamoqdaman, bo‘lsa kerak. Baxtli bo‘lishning bir talabi yo ko‘rinishi bormi?

Kimdir Parijning mashhur Klozeri de Lila restoranida taom tanovul qilganidan xursand bo‘lsa, boshqa kimsa sevimli futbol jamoasining g‘alabasini ekran qarshisida nishonlab, baxtni his etadi. Ayrimlar pul topganda ham uni baxtli bo‘lish va yaxshi kayfiyatda yurish uchun sarflaydi. Oddiy misol, palovni uyda yesa bo‘ladi. Lekin restoranda o‘tirib tanovul qilsangiz, sizga alohida xizmat ko‘rsatilsa, qolaversa, idishlarni ham boshqasi yig‘ishtirib, yuvsa, negadir o‘zingizni erkin va xushchaqchaq his etasiz. Boshqacha qilib aytganda, tibbiy xizmatning sifatli va o‘z vaqtida ko‘rsatilishi, barchasi mablag‘ masalasiga borib taqaladi. Ana shunda o‘ylanib qolaman, pulga baxtni, umrni sotib ololmasmiz, lekin uningsiz hayot bir maromda davom etmaydi-ku!

Demak, farovon hayotni yetkazib beruvchi omillar ichida eng birinchi bo‘lib, pul yaqqol ko‘zga tashlanmoqda. To‘g‘ri-da, puling bo‘lsa, changalda sho‘rva! O‘sha aqcha qayoqdan keladi?! Labbay? Ishlash kerak deysizmi?! Aslo, agar siz hali ham ishlagan tishlaydi, deb ishonsangiz, ko‘p iqtisodiy qiyinchiliklarni boshdan kechirgan ekansiz. Boisi, hech kim hozir ko‘chani dabdurustdan supurib, tozalasangiz pul berib ketmaydi. Axir ishladingiz, lekin maoshdan darak yo‘q-ku?

Aslida, sizning ichingizdan o‘tgani bu, vaqtni sotib pul topamiz, degan fikr edi. Atrofga boqing! Barcha o‘z vaqtini sotib, daromad qilmoqda. Iqtisodchi, novvoy, sartarosh, uchuvchi va siz ham, shu jumladan. Tushunishingiz uchun eng oddiy misol bu – o‘qituvchi. U o‘z vaqtini sotib, maosh oladi. Maosh tayinlanishida ham mantiqiy yechim bor: oylik vaqtga e’tibor qaratadi. Novvoy esa siz uyg‘onmagan mahal xamir qorib, tandir qizdirgan edi. Qaysidir ma’noda u ham kundalik vaqtining bir qismini (albatta, dehqon va tadbirkor vaqti sarflangan bug‘doy uni bilan birga) sizga sotadi.

Ishning sifatichi? Mahsuldorlik qayoqda qoladi? Tabiiy savol tug‘iladi, nega hammada bir xil, Yaratgan egam taqdim etgan 24 soat bo‘lib, har kim turlicha daromad topadi. Masalan, o‘qituvchi moliyachidan kam maosh olishi mumkin. O‘z navbatida, boshqa o‘qituvchi yana bir hamkasbidan ham kam pul topadi. Sababi, ular kamroq vaqt sotayotgani emas, balki u kun qorayguncha ter to‘kib ishlar?! Asl sabab vaqtga egalik qilgan odam nimalarni bilishidadir. Ba’zan mahoratli sartarosh katta korxona boshlig‘idan ham ko‘p daromad qiladi, chunki u soch olishning barcha sir-asrorlarini biladi. Xo‘sh, qanday qilib vaqtni qimmatga sotish mumkin?

So‘nggi nuqtaga yetib keldik. Qaysi soha vakili bo‘lishingizdan qat’i nazar, siz vaqtingiz qimmat bo‘lishini xohlasangiz, boshqalar kam bilgan bilimga intilish lozim. Har bir kasbda uni mahorat bilan egallaganlar baxtli yashashi uchun yetarli bo‘lgan daromadni topadi. Kam biluvchining vaqtiga ham kam xaridor bo‘lishi tayin. Kompyuter dasturlarini yaratgan Bill Geyts dunyoning birinchi raqamli milliarderi hisoblanadi, ammo siz endi xuddi shu dasturni yaratib milliarderga aylana olmaysiz. Qisqa qilib aytganda, zamondan bir qadam ilgari bo‘ling, bilim oling. Buning uchun, albatta oliy ta’lim ko‘rishingiz so‘ralmaydi, u har joyda mavjud. Kitobda, suhbatda, mehnatda, hayotda va har makonda. Muhimmi, qunt bilan o‘zlashtiring.

Baxtli hayotni qurmoqchi bo‘lgan aziz o‘quvchi, bilim olishga intiling, pul esa bir vosita. Barchamizga ana shu baxtli hayotimiz uchun aslida pul emas, bilim zarurligini anglaylik.
Maqola haqida
Ijtimoiy tarmoqlarda ulashing:
Mavzuga doir
screen Dunyoning eng boy odamlari? Ularning hisobida qancha pul bor?
Qanday qilib muvaffaqiyat va moddiy farovonlikka erishish mumkin, degan savol har bir odamni qiziqtirsa kerak!? Sayyoramizning eng boy odamlari mavjud bo‘lib, quyidagi ro‘yxatda taniqli va mutlaqo notanish nomlar bilan tanishib chiqamiz. Bizning reytingimizni sakson yoshli tadbirkor Fil Nayt ochib beradi, uning hisobida 5 milliard dollar bor. U butun dunyo bo‘ylab Nike brendi ostida taniqli sport poyabzal fabrikasi asoschisi sifatida tanilgan. Ishlab chiqarish ishlari ilk bor o‘tgan asrn...
screen Millioner bo‘la olishingizning 5 alomati
Agar siz qachonlardir millioner bo‘lishni xohlasangiz (kim ham xohlamaydi deysiz?), hozir ayni vaqti. Spectrem Group o‘tkazgan ijtimoiy so‘rov natijasiga ko‘ra, hozirda AQShda millionerlar soni eng ko‘p darajada. Yaqinda Bloomberg agentligi e’lon qilgan dunyoning dollar milliarderlari Top-500 reytingiga Rossiyaning ham 27 nafar fuqarosi kiritildi. Garchi hech kim milliondan voz kechishni istamasa-da, ko‘pchilik uni ishlab topa oladi. Biroq faqatgina dunyoning eng bosh kishilarida uchraydigan...
screen Oilaviy byudjetni tartibga solamiz va pulni ko'paytiramiz
Mutaxassislar fikriga ko‘ra, 70% yosh oilalarning ajrashuviga sabab bo‘ladigan omillardan biri pul bilan bog‘liq kelishmovchiliklar ekan. Kamdan-kam hollarda turmush qurish arafasida turgan yoshlar bo‘lajak yangi oilaning moliyaviy tomonlarini o‘ylab ko‘radi. Bu masalada qarama-qarshiliklar yuzaga kela boshlaganda esa “bosh qotirishga” majbur bo‘ladi. Mana shu pallada oila byudjetini rejalashtirish ayni muddaodir. Buning uchun ikki yosh avvalo, byudjet qayerdan to‘planishi va pullar qayerga sarf...
Reklama



asdasd asdasd asdasd asdasd