O‘rtayer dengizining Neuromed (Italiya) instituti olimlari chili qalampiri yurak-qon tomir xastaliklari sabab kelib chiqadigan o‘lim holatlari xavfini kamaytirishini aniqladi. Suratiga e’tibor berib qarasangiz Chili qalampiri o‘zimizning oddiy qalampirga o‘xshaydi, to‘g‘rimi?

Italiyalik olimlarning tadqiqotida 23 ming kishi ishtirok etdi. Ularning salomatligi va iste’mol qilayotgan taomlarining tarkibi 8 yil davomida kuzatildi. Ma’lum bo‘lishicha, 1 haftada kamida 4 marta bu mahsulot ovqatga qo‘shib iste’mol qilinsa, yurak-qon tomir kasalliklaridan o‘lish xavfini 40 foizga, serebrovaskulyar kasalliklar bilan og‘rishni esa 50 foizga kamaytirar ekan.

Olimlar, shuningdek, sabzavotning bunday ta’siri ovqat ratsionining qandayligi bilan bog‘liq emasligini ta’kidlashmoqda. Biroq bu holat qanday biokimyoviy mexanizm ta’sirida sodir bo‘layotgani noma’lumligicha qolyapti. Ushbu foydali xususiyat qalampirga kuydiradigan ta’sir beruvchi kapsaisin – alkaloid bilan bog‘liq bo‘lishi taxmin qilinmoqda.