Assalomu alaykum, Mehmon!
Tasodifiy maqola: Odam havosiz qancha yashay oladi?
Odam havosiz qancha yashay oladi?... Davomi...
Kirish
Reklama
Atir iforini saqlab qolishning 7 asosiy qoidasi
Atir iforini uzoqroq saqlash, uning umrini uzaytirish uchun nima qilish kerak? Atirning uzoq muddat saqlash uchun qorong‘i, havo kirmaydigan joyda saqlash lozim, quyida uning 7 asosiy qoidasi bilan sizni “ZAMIN” nashriga asoslanib “XIKOYA” tanishtiradi.

1. Yorug‘likdan asrash

Parfyumeriya xom ashyosi molekulasining tarkibi o‘zaro kimyoviy reaksiyaga kirishuvchi aldegid, spirt, efir, terpen, laktonlardan iboratdir. Quyosh nuri kimyoviy reaksiyaga kirishish jarayonini tezlashtirishi oqibatida muattar hid yo‘qoladi. Hozirgi paytda ishlab chiqarilgan atirlarga maxsus antioksidantlar va kimyoviy jarayonni sekinlashtiruvchi ingibitor moddasi qo‘shilsa-da, bu jarayonni to‘xtatishning iloji yo‘q. Shuning uchun atirni uzoq muddat saqlashning eng yaxshi yo‘li uni qorong‘ilikda asrashdir.

2. Qizdirib yubormaslik

Atirlarni saqlashning eng optimal harorati 17-22 daraja bo‘lishi lozim. Yuqori harorat suyuqlikning rangini o‘zgartirib, uni loyqalantirib qo‘yadi, uning hidi ham o‘zgaradi, bora-bora sasib qoladi. Aksariyat ayollar atirni muzlatkichda saqlash lozim, deb hisoblaydi. Ammo bu xato fikr. Chunki +5 darajali haroratda asosan aldegid, sitrusli, mushkli reaktiv parfyumeriya mahsulotlarini saqlash mumkin.

3. Havo o‘tkazmaslik

Bu qoida pulvizator-spreyi bo‘lmagan splesh-atir shishalarga tegishlidir. Bunday shishali atirlardan foydalangandan keyin qopqog‘ini mahkam berkitish zarur. Havo tarkibidagi kislorod kuchli oksidlovchi xususiyatga egadir, u parfyumeriya suyuqligi bilan kimyoviy reaksiyaga kirishishi mumkin. Bu jarayonni og‘zi ochilgan vinoning tezlikda oksidlanishi bilan tenglashtirish mumkin. Shisha ichida qolgan vino ta’mi bir haftadan keyin o‘zgaradi.

4. Namlikni nazorat qilish

Haroratning keskin o‘zgarishi ta’sir qilishidan tashqari, atirlarga optimal darajadagi namlik kerak. Atirni namlik yuqori bo‘lgan, issiq vannada saqlab bo‘lmaydi, aks holda buzilish jarayoni tezlashadi. Issitish batareyasi yonidagi tokcha yoki javon ham yaxshi joy emas, chunki bu erda havo juda quruq bo‘ladi. Atirni saqlash uchun eng qulay joy quyosh nuri tushmaydigan, eshigi mahkam yopiladigan shkafdir.

5. Atirni qo‘lingiz yordamida surtmang

Pulverizatori bo‘lmagan atir sotib oladigan bo‘lsangiz, hech qachon atirni barmog‘ingiz yordamida surtmang. Chunki atirga teri va unda mavjud yog‘lar tushadi, qarabsizki, atirning tarkibi buziladi.

6. Atirni qutisida saqlash shart emas...

Atir sotib olgan kunimiz uni qutisidan chiqarib, qutini irg‘itib yuborishga harakat qilamiz. Chunki undan foydalanayotganda har kuni qutidan chiqarishga erinamiz. Qutini olib qo‘yasizmi, yo‘qmi xohishingiz. Atir kolleksiya qiluvchilar ularni tasniflash uchungina qutida saqlashadi. Bundan tashqari quti atir shishasini turli shikastlardan saqlaydi. Agar javoningizda 5-6 ta atir shishasi turgan bo‘lsa, ularni qutida saqlash shart emas.

7. …saqlash muddatiga ham e’tibor berish lozim

“Iste’molchilar huquqini himoya qilish to‘g‘risidagi Qonun”ga binoan atirlarning ustida saqlash muddati 3-5 yil deb ko‘rsatilgan. Saqlash muddati o‘tib ketgan atirlarni tashlab yuborishga shoshilmang. Oziq-ovqat mahsulotlarining, dori-darmonning saqlash muddati tugagan bo‘lsa, ularni tashlab yuborish kerak, ammo yaxshi sharoitda saqlangan atirlarning umri chegaralanmagan. Bunday atirlarni meros sifatida qoldirib, hatto asrlar davomida ishlatish mumkin. Uning hidi o‘zgarishi mumkin, ammo tarkibi buzilmaydi.
Maqola haqida
www.Xikoya.Ru Eng Sara Xikoyalar olami
Ijtimoiy tarmoqlarda ulashing:
shu kategoriyaga tegishli xikoyalar
screen Uyqusizlikka nima sabab bo‘ladi?
Germaniyalik olim Xaydrun Shubert uyqusizlikka olib keladigan oziq-ovqat mahsulotlari haqida tadqiqot olib bordi. Tadqiqot natijalariga ko‘ra pishirilmagan poliz mahsulotlari uyqusizlikka olib kelishi mumkinligi aniqlangan. Bunga esa ovqat hazm qilish tizimi faol ishlashi sabab bo‘ladi. Shu bilan birga qalampir va zanjabil haqida ham xuddi shu fikrni bildirish mumkin. Bu mahsulotlar organizmda modda almashinuvi jarayonini faollashtiradi va tana haroratini ko‘taradi. Oqibatda uyqu buzilishi...
screen Xurrak otish xavflimi?
Oddiy xurrak odamning o‘ziga emas, faqat atrofdagilarga noxushlik tug‘diradi, deydimutaxassislar. Xurrak apnoe (uxlayotganda nafas to‘xtashi) bilan birga kelganda xavfli tus oladi: bu yurak-qon tomir tizimi uchun stress hisoblanadi. Chunki bunday uyqu vaqtida yurak dam olmaydi, aksincha, qo‘shimcha yuklama bilan ishlay boshlaydi. Uyqu esa yuzaki bo‘ladi. Bunday odam uyqusizlikdan qiynalayotgan odamdan ko‘ra ko‘proq uyquga to‘ymaslikdan aziyat chekadi. Bundan tashqari, unda asoratlar (arterial...
screen Olimlar “baquvvat” nonushta foydasi haqida so‘zlashdi
Yuqori kaloriyali taomlardan iborat bo‘lgan nonushta semirish va diabetga qarshi kurashishda yordam berishi mumkin, germaniyalik olimlar bunday xulosaga kelishdi. Tadqiqot natijalari Journal of Clinical Endocrinology & Metabolism nashrida chop etildi. Olimlar 16 ko‘ngilli bilan uch kunlik tajriba o‘tkazdilar, ularni ikki guruhga bo‘lishdi. Birinchi guruhdagilarga past kaloriyali nonushta berishgan (kunlik normaning 11 foizi) va yuqori kaloriyali tushlik (69 foiz), ikkinchi guruhga esa aksinc...
Reklama



asdasd asdasd asdasd asdasd